I trusted to hae gotten a cast wi' the Royal Charlotte, but she's coupit yonder, it's like, at Kittlebrig.
There was a young gentleman on the box, and he behuved to drive; and Tam Sang, that suld hae mair sense, he behuved to let him, and the daft callant couldna tak the turn at the corner o' the brig; and od! he took the curbstane, and he's whomled her as I wad whomle a toom bicker--it was a luck I hadna gotten on the tap o' her.

Sae I came down atween hope and despair, to see if ye wad send me on." "And, Edie--where would ye go ?" said the young lady.
"To Tannonburgh, my leddy" (which was the first stage from Fairport, but a good deal nearer to Knockwinnock), "and that without delay--it's a' on your ain business." "Our business, Edie?
Alas! I give you all credit for your good meaning; but"-- "There's nae buts about it, my leddy, for gang I maun," said the persevering Blue-Gown.
"But what is it that you would do at Tannonburgh ?--or how can your going there benefit my father's affairs ?" "Indeed, my sweet leddy," said the gaberlunzie, "ye maun just trust that bit secret to auld Edie's grey pow, and ask nae questions about it.
Certainly if I wad hae wared my life for you yon night, I can hae nae reason to play an ill pliskie t'ye in the day o' your distress." "Well, Edie, follow me then," said Miss Wardour, "and I will try to get you sent to Tannonburgh." "Mak haste then, my bonny leddy--mak haste, for the love o' goodness!"-- and he continued to exhort her to expedition until they reached the Castle..