Table C.
DESC.

Caudex arborescens erectus simplicissimus cylindraceus, 6-18-pedes altus, crassitie femoris.

Folia caudicem terminantia numerosissima patula, apicibus arcuato-recurvis, lorea, solida, ancipitia apice teretiusculo, novella undique tecta pilis adpressis strictis acutis laevibus, angulis lateralibus et ventrali retrorsum scabris.

Pedunculi numerosi teretes 8-12-pollicares crassitie digiti, vaginis integris brevibus imbricatis hinc in foliolum subulatum productis tecti.

Capitulum globosum, floridum magnitudine pruni minoris, fructiferum pomum parvum aequans.