But at least I ken o' ae love ploy that Mistress Lindesay is engaged in, or your birses wadna be so ready to stand on end, my bonny man.

But guid luck to ye.

Ye hae the mair chance o' finding the flown birdies, that ye maybes think mair o' the bonny norland quey than ye think o' the bit Gallowa' calf.

But God speed ye, I say, for gin ye bringna back the wee lass that's heir to the braid lands o' Thrieve, it's an ill chance Ninian Halliburton has ever to fill his loof wi' the bonny gowden 'angels' that (next to high heeven) are a man's best freends in an evil and adulterous generation.".