He had said all his say before.
'Pray, Robert, pray for yer father, laddie,' she resumed; 'for we hae muckle rizzon to be anxious aboot 'im.

Pray while there's life an' houp.
Gie the Lord no rist.

Pray till 'im day an' nicht, as I du, that he wad lead 'im to see the error o' his ways, an' turn to the Lord, wha's ready to pardon.

Gin yer mother had lived, I wad hae had mair houp, I confess, for she was a braw leddy and a bonny, and that sweet-tongued! She cud hae wiled a maukin frae its lair wi' her bonnie Hielan' speech.

I never likit to hear nane o' them speyk the Erse (Irish, that is, Gaelic), it was aye sae gloggie and baneless; and I cudna unnerstan' ae word o' 't.