I wadna mell wi' 't.' 'Hoot, father, dinna put sic nonsense i' the bairns' heids,' said Miss Lammie.
'Whilk 's the nonsense, Aggy ?' asked her father, slily.

'But I doobt,' he added, 'he'll never play the Flooers o' the Forest as it suld be playt, till he's had a taste o' the kissin', lass.' 'Weel, it's a queer instructor o' yowth, 'at says an' onsays i' the same breith.' 'Never ye min'.

I haena contradickit mysel' yet; for I hae said naething.

But, Robert, my man, ye maun pit mair sowl into yer fiddlin'.
Ye canna play the fiddle till ye can gar 't greit.

It's unco ready to that o' 'ts ain sel'; an' it's my opingon that there's no anither instrument but the fiddle fit to play the Flooers o' the Forest upo', for that very rizzon, in a' his Maijesty's dominions .-- My father playt the fiddle, but no like your gran'father.' Robert was silent.